MOEVT NEWS&EVENTS

Katibu Mkuu Wizara ya Elimu Zanzibar bwana Khamis Abdulla Said amesema, ni muda sasa kwa kila mwalimu kuchukua hatua ili kuhakikisha Zanzibar inaendelea kupata matokeo mazuri zaidi.

Amesema hayo wakati wa kufunga kikao cha tathmini ya nusu mwaka ya Mradi wa kuimarisha ubora wa Elimu ya Sekondari Zanzibar, Katika ukumbi wa mikutano Golden Tulip uwanja wa ndege Mjini Unguja.

Amesema, ili Walimu waendelee kufanya kazi kwa juhudi kubwa Wizara itaendelea kufanya kila namna kwa kushirikiana na wadau mbalimbali  kuhakikisha Walimu nao wanaendelea  kupewa Mafunzo ili kuendana na  mabadiliko ya Teknolojia. 

Amesema, Zanzibar ili iendelee kupata matokeo mazuri ipo haja ya kila muhisika  kutimiza wajibu wake kwa kuengeza bidii zaidi.

Read more …

Utoaji wa Elimu kwa wanafunzi utapelekea kuengezeka kwa ufaulu mzuri unaoendana samabmba na mabadiliko ya Sayansi na Teknolojia.

Amesema hayo Katibu Mkuu Wizara ya Elimu na Mafunzo ya Amali Zanzibar Bw. Khamis Abdulla Said. wakati wa hafla ya Ufunguzi wa Maadhimisho ya Wiki ya Elimu ya Watu Wazima na Siku ya kujua kusoma na kuandika duniani. Iliyo fanyika katika Uwanja wa  Maktaba ya Dunga Wilaya ya kati Unguja.

Amesema, Elimu Bora ni chanzo kikubwa cha mabadiliko katika sekta ya Elimu, hivyo Walimu wajitahidi kusomesha kwa bidii ili kuleta mabadiliko katika sekta hiyo.

Aidha, ametowa wito kwa wazazi na walezi kuwasimamia watoto Katika suala zima la kusoma, kuandika na kuhesabu  ili waweze kuwa imara na kuleta mabadiliko katika masomo yao.

Amesema,  Wizara inafanya jitihada ya kuanzisha Maktaba kwa kila Wilaya ili kuweza kuondoa changamoto ya kufata Maktaba  masafa marefu na kupelekea kuzorotesha maendeleo ya kielimu nchini.

Read more …

Naibu Katibu Mkuu Wizara ya Elimu na Mafunzo ya Amali Zanzibar, Dkt Mwanakhamis Adam Ameir amesema,  vyombo vya habari vinanafasi kubwa ya  kushajihisha jamii juu ya matumuzi salama ya vidonge vya  virutubisho.

Amesema hayo wakati alipofungua warsha kwa waandishi wa habari juu ya matumuzi salama ya vidonge lishe kwa Wanafunzi Waliobaleghe   huko Kituo Cha Walimu Kiembe Samaki Mkoa wa Mjini Magharib Unguja.

Amesema, Waandishi wanayo nafasi kubwa kwenye jamii hivyo nao ni njia moja wapo ya kuhakikisha wanafikisha ujumbe husika katika jamii.

Aidha amesema, kuipa jamii Taaluma hiyo ni kuepusha dhana potofu iliopo kwenye jamii juu ya matumuzi ya virutubisho hivyo.

Read more …

Mratibu Idara ya Utumishi na Uendeshaji Mwalimu Harith Bakar Waziri amesema kisomo cha Watu Wazima ni njia muhimu ya Kuwakomboa na Kutokujua kusoma, kuandika na kuhesabu.

Ameyasema hayo katika kikao cha Kutathmini Maendeleo ya Kisomo cha Watu wazima kilichowashirikisha Wanakisomo kutoka Wilaya nne za Pemba ikiwa ni miongoni mwa shamrashamra za Maadhimisho ya Juma la Kisomo cha Wtu wazima Huko katika Ukumbi wa Wizaraya Elimu na Mafunzo ya Amali Chake Chake Pemba.

Mwalimu Harithi amesema wakati dunia ikiadhimisha Wiki ya Kisomo kuna haja kubwa ya kutathmini maendeleo yaliyofikiwa katika kuwakomboa watu kuondokana na tatizo la kutokujua kusoma, kuandika na kuhesabu.

Akifafanua zaidi Mratibu huyo amesema kufanyika kwa Tathmini hio kutasaidia kujua ufahamu wa Wanakisomo hao  na namna ya kuweza kuwasaidia.

Aidha amewataka waratibu wa Kisomo cha Watu wazima pamoja na Walimu wanaowafundisha kisomo hicho kutumia lugha nzuri pamoja na kuwapa mashirikiano Wanakisomo hao.

Nae Mratibu Idara ya Elimu Mbadala na Watu Wazima Nd. Salim Kuza Sheikhan amewataka wanakisomo cha Watu wazima kutorudishwa nyuma na maneno ya kukatisha tamaa yanayosemwa na  ya baadhi ya Wanajamii.

Amesema kuna baadhi ya Wanajamii wanaona kisomo cha Watu Wazima nikupoteza muda na kudhalilika jambo ambalo Mratibu huyo amesema sio sahihi badala yake ni ukombozi kwa waliokosa huduma hiyo katika umri wao wa utotoni.

Read more …

Katibu Mkuu Wizara ya Elimu na Mafunzo ya Amali Zanzibar Bw. Khamis Abdulla Said, amefanya ziara ya Kushtukiza katika Skuli ya Sekondari Mwera, ili kuona changamoto zinazowakabili nakuzitafutia ufumbuzi. Katika ziara hiyo, pia Katibu Mkuu ameonana na Walimu wanofanya mafunzo kwa vitendo na kuwataka kuacha kufanya kazi kwa mazowea. Imetolewa na Kitengo cha Habari na Mawasiliano (WEMA).